Dhiminivan.com

ދުނިޔޭގެ އެތައް ސަތޭކަ ޤައުމެއް ތަމްސީލުކުރާ އިންޓަނޭޝަނަލް ފެޑަރޭޝަން އޮފް ޖާނަލިސްޓްސް (އައި.އެފް.ޖޭ) ގެ މެންބަރޝިޕް މޯލްޑިވްސް ޖާނަލިސްޓް އެސޯސިއޭޝަނަށް މިއަދު ލިބިއްޖެއެވެ. އެމް.ޖޭ.އޭގެ މެންބަރޝިޕް ޤަބޫލުކޮށް އައި.އެފް.ޖޭ އިން ފޮނުވި ސިޓީގައި ބުނެފައިވަނީ، އެމް.ޖޭ.އޭ އަށް އެޖަމާއަތުގެ މެންބަރޝިޕް ދިނުމަކީ އުފަލެއް ކަމަށާއި، ރާއްޖޭގެ މީޑިޔާއަށް ދިމާވާ އެކިއެކި ގޮންޖެހުންތަކާއި ފިއްތުންތައް ގާތުން ދެނެގަތުމަށް އެމް.ޖޭ.އޭ އާއި އެކު މަސައްކަތް ކުރުމުން މަގުފަހިވެގެން ދާނެކަމަށެވެ.

އައި.އެފް.ޖޭގެ މެންބަރުންގެ ގޮތުގައި އެފްރިކާ ބައްރާއި، ޔޫރަޕާއި، ލެޓިން އެމެރިކާއާއި، މެދު އިރުމައްޗާއި، އުތުރު އެމެރިކާގެ އިތުރުން އޭޝިޔާ ޕެސިފިކުގެ ޤައުމުތައް ހިމެނެއެވެ. އައި.އެފް.ޖޭ އަކީ ޔޫ.އެން ފަދަ ބައިނަލްއަޤުވާމީ ޖަމާއަތްތަކުން ބަލައިގަންނަ، ދުނިޔޭގެ އެކިއެކި ޤައުމުތަކުގައި ނޫސްވެރިންނަށް ދިމާވާ އެކިއެކި ގޮންޖެހުންތަކާއި، ފިއްތުންތަކާއި، މިނިވަން ނޫސްވެރިކަމަށް ހުރަސް އެޅޭ ކަންކަމުގައާއި އެނޫންވެސް ކަންކަމުގައި އެހީތެރިވެދޭ އަޑުއުފުލާ ޖަމާއަތެކެވެ.

ބައިނަލް އަޤުވާމީ ގޮތުން ބަލައިގެންފައިވާ މިޖާޢަތުގެ މެންބަރުކަން އެމް.ޖޭ.އޭ އަށް ލިބުމުގެ އުފަލުގައި އެމް.ޖޭ.އޭގެ އެންމެހާ މެންބަރުންނަށް ތަހުނިޔާއާއި މުބާރަކުބާދީ ދަންނަވަމެވެ. އަދި އެމް.ޖޭ.އޭގެ މެންބަރުންގެ ގޮތުގައި ނުހިމެނި ތިބި ނޫސްވެރިންނަށްވެސް މިފުރުޞަޠުގައި ހިތްވަރު ދެމުން، އެމް.ޖޭ.އޭގެ މެންބަރުންނަށް ވުމަށް ފުރުޞަޠު އޮތްވާހަކަ ދަންނަވަމެވެ.

ހިޔާލު (0)

ނަން

އީމެއިލް

ހިޔާލު

smaller | bigger

Write the displayed characters

ހިޔާލު ހިއްސާ ކުރެއްވުމަށް